Testi delle canzoni napoletane

"E damme 'a mano" –
'Na zingara m'ha ditto –
"Ca, quanto pe' destino puorte scritto,
T' 'o vvoglio fà sapè.
Ce sta 'n'amico, buono quanto maje,
Ca te vò bbene assaje
E tutto fa pe' tte".

Vattenne, oje zingara,
Nun me fà ridere!
Cheste sò chiacchiere
Ca me vuò vennere
P' 'a verità!

Amice, 'ncopp' ô munno, nun esistono!
'N'amico sulo è 'o primmo amico mio,
E 'st'amico songh'io!

"E damme 'a mano
Ca te farrà piacere.
Te voglio anduvinà tutt' 'e penziere
Ca stanno 'ncap'a tte.
Tu tiene 'nu parente, gran signore
Ca, 'n'atu ppoco, more
E tu sarraje 'nu rre".

Vattenne, oje zingara,
Nun me fà ridere!
Cheste sò chiacchiere
Ca me vuò vennere
P' 'a verità!

Pariente cu 'e denare nun ne morono!
Unu parente io tengo, gran signore:
Sulamente 'stu core!

"Tu dint' ô core
'Na passione tiene
Pe' 'na femmena bella ca vuò bbene
E ca bbene te vò.
E, dint'a 'st'uocchie tuoje chiare e lucente,
'Na lacrema cucente
Ce sta passanno mò".

È overo, oje zingara!
Ce sta 'na femmena,
Sincera e tennera,
C' 'a vita a chiagnere
Passa pe' mme.

E chesta c'anduvine è 'a sola femmena
Ca i' voglio bbene cchiù d' 'a vita mia!
E chest'è mamma mia.

"E dammi la mano" –
Una zingara mi ha detto –
"Che per destino ti è scritto,
Ti voglio far sapere.
C'è un amico, quanto mai buono,
Che ti vuole bene assai
E tutto fa per te".

Vattene, oh zingara,
Non farmi ridere!
Queste sono chiacchiere
Che mi vuoi vendere
Per la verità!

Amici, a questo mondo, non esistono!
Un solo amico è il mio primo amico
E quest'amico sono io!

"E dammi la mano
Che ti farà piacere.
Voglio indovinare tutti i pensieri
Che ci sono nella tua testa.
Tu hai un parente, grande signore
Che, fra poco, morirà
E tu sarai un re".

Vattene, oh zingara,
Non farmi ridere!
Queste sono chiacchiere
Che mi vuoi vendere
Per la verità!

Parenti coi denari non muoiono!
Un parente ho io, grande signore:
Soltanto questo cuore!

"Tu nel cuore
Tieni una passione
Per una bella donna che tu vuoi bene
E che vuole bene te.
E, dai tuoi occhi chiari e lucidi,
Una lacrima cocente
Che sta scendendo adesso".

È vero, oh zingara!
C'è una donna,
Sincera e tenera,
Che la vita a piangere
Passa per me.

E questa che indovini è la sola donna
Che io voglio bene più della vita mia!
E questa è la mia mamma.