Testi delle canzoni napoletane

T'aggio vista pe' 'mmiezo Tuleto
Cu 'a nutriccia e 'o piccerillo;
'O cchiù gruosso cujeto cujeto
Cammenava affianco a te.

Stive bona cu 'a giacca 'e velluto,
C' 'o cappiello 'e 'mmaretata;
Cchiù simpatica t'aggio truvata,
Ma t'avria ditto accussì:

"Carmè, suonno 'e 'stu core,
Suonno d' 'a Sanità,
Dimme, addò sta cchiù ammore
'E chilli tiempe llà?
Sì ancora bella, è overo,
Ma… che te voglio dì?
Carmela 'e San Sivero,
Carmela mia nun sì!"

T'arricuorde? Mò fanno cinc'anne,
Steva 'a festa e se cantava;
Io sunavo, e sunanno sunanno,
Ce capettemo, Carmè.

Chella sera tenive 'na rosa
E 'nu crespo pe' scialletto;
Cu che grazia, luvannela 'a pietto,
Chella rosa 'a diste a mme.

Carmè, suonno 'e 'stu core,
Suonno d' 'a Sanità,
Dimme, addò sta cchiù ammore
'E chilli tiempe llà?
Sì ancora bella, è overo,
Ma… che te voglio dì?
Carmela 'e San Sivero,
Carmela mia nun sì!

Mò sì ricca e mugliera 'e 'nu conte,
Ma 'stu core avria 'a sapè:
Quanta vvote, Carmè, sott' ô ponte,
Tu chiagniste 'mpietto a mme!

E dincello ca 'mponta a 'sta vocca
Trova ancora 'o sciato mio,
Trova 'e vase ca t'aggio dat'io
Ca vulessero parlà!

Carmè, suonno 'e 'stu core,
Suonno d' 'a Sanità,
Dimme, addò sta cchiù ammore
'E chilli tiempe llà?
Sì ancora bella, è overo,
Ma… che te voglio dì?
Carmela 'e San Sivero,
Carmela mia nun sì!

Ti ho vista in mezzo a via Toledo
Con la nutrice e il bambino;
Il più grande calmo calmo
Camminava accanto a te.

Eri elegante con la giacca di velluto,
Col cappello da sposata;
Più simpatica ti ho trovata
Ma ti avrei detto così:

"Carmela, sogno del mio cuore,
Sogno della Sanità,
Dimmi, dove sta più l'amore
Di quei tempi passati?
Sei ancora bella, è vero,
Ma… che voglio dirti?
Carmela di San Severo,
Carmela mia non sei!"

Ti ricordi? Sono passati cinque anni,
C'era la festa e si cantava;
Io suonavo, e suonando suonando,
Ci capimmo, Carmela.

Quella sera avevi una rosa
E lo scialle di crespo;
Con che grazia, levandola da petto,
Quella rosa la desti a me.

Carmela, sogno del mio cuore,
Sogno della Sanità,
Dimmi, dove sta più l'amore
Di quei tempi passati?
Sei ancora bella, è vero,
Ma… che voglio dirti?
Carmela di San Severo,
Carmela mia non sei!

Ora sei ricca e moglie di un conte,
Ma questo cuore dovrebbe sapere:
Quante volte, Carmela, sotto il ponte,
Tu piangesti in petto a me!

E diglielo che in punta a questa bocca
Trova ancora il fiato mio,
Trova i baci che ti ho dato io
Che vorrebbero parlare!

Carmela, sogno del mio cuore,
Sogno della Sanità,
Dimmi, dove sta più l'amore
Di quei tempi passati?
Sei ancora bella, è vero,
Ma… che voglio dirti?
Carmela di San Severo,
Carmela mia non sei!