Testi delle canzoni napoletane

Rose 'e velluto e rampicante in fiore,
Quanta frischezza doce 'int' ê ciardine!
Comme se sceta e comme parla 'o core
'Mmiez' ê limone e 'mmiez' ê mmandarine.
Tutt' 'e ciardine 'e Napule
Song' 'o prufumo 'e ll'aria…
E quanta 'nnammurate
Suspirano abbracciate…
Vase, canzone e ciance
E 'addore d'erba cedra e sciure 'arance.

E quann' 'o sole 'mmiez' ê ffronne trase,
D'oro lucente pareno 'e ciardine.
Goccie 'e curallo pareno 'e ccerase…
Stelle d'argiento tutt' 'e giesummine.
Tutt' 'e ciardine 'e Napule
Song' 'o prufumo 'e ll'aria…
E quanta 'nnammurate
Suspirano abbracciate…
Vase, canzone e ciance
E 'addore d'erba cedra e sciure 'arance.

Ma 'a sera 'int' ê ciardine parla Ammore…
– Gioja, t'aggio aspettata e ssì vvenuta.
Damme 'nu vaso ca te dò 'nu sciore! –
E 'a luna sente e ride 'ntenneruta.
Tutt' 'e ciardine 'e Napule
Song' 'o prufumo 'e ll'aria…
E quanta 'nnammurate
Suspirano abbracciate…
Vase, canzone e ciance
E 'addore d'erba cedra e sciure 'arance.

Tutt' 'e ciardine 'e Napule!

Rose di velluto e rampicanti in fiore,
Quanta freschezza dolce nei giardini!
Come si sveglia e come parla il cuore
In mezzo ai limoni ed in mezzo ai mandarini.
Tutti i giardini di Napoli
Sono il profumo dell'aria…
E quanti innamorati
Sospirano abbracciati…
Baci, canzoni e carezze
E odore di erba cedrina e di fiori d'arancio.

E quando il sole in mezzo ai rami entra,
D'oro lucente sembrano i giardini.
Gocce di corallo sembrano le ciliegie…
Stelle d'argento tutti i gelsomini.
Tutti i giardini di Napoli
Sono il profumo dell'aria…
E quanti innamorati
Sospirano abbracciati…
Baci, canzoni e carezze
E odore di erba cedrina e di fiori d'arancio.

Ma di sera nei giardini parla l'Amore…
– Gioia, ti ho aspettato e sei venuta.
Dammi un bacio che ti do un fiore! –
E la luna sente e ride intenerita.
Tutti i giardini di Napoli
Sono il profumo dell'aria…
E quanti innamorati
Sospirano abbracciati…
Baci, canzoni e carezze
E odore di erba cedrina e di fiori d'arancio.

Tutti i giardini di Napoli!