Testi delle canzoni napoletane

I' sto dint' ê ppentite. E tu addò staje?
E cu chi staje? Chesto vurria sapè…
Tu duorme 'a notte? Ma i' nun dormo maje,
E 'nnant' a 'st'uocchie veco sulo a tte…
Che vuò? Che vuò? Nemmeno sì cuntento
Mò ca pe' tte m'hanno 'nzerrata ccà?
Si mamma aspetta 'o juorno ca mme pento,
Falle assapè ca sò pentita già…

Pentita 'e che? – Pentita
Ca t'aggio amato assaje.
'Nfame, nisciuna maje
Fuje cchiù pentita 'e me!

Jurnate sane aret' 'a ggelusia,
Desideranno 'o sole e 'a libbertà;
Passa 'o pianino, e saglie 'a 'mmiez' â via
Quacche canzone 'e tantu tiempo fa…
E i' canto. Che te cride? I' chiagno e canto,
E po' jastemmo, e po' torno a cantà…
Ah, comm' è allera 'int' a 'stu campusanto
'Sta sciantusella d' 'o cafè sciantà!

Pentita 'e che? – Pentita
Ca t'aggio amato assaje.
'Nfame, nisciuna maje
Fuje cchiù pentita 'e me!

Me sò sunnato 'n'angiulillo junno,
Nennillo mio ca me diceva: "Oje mà…
Oje mà, pecché m'hê miso 'ncopp' ô munno,
Quanno hê tenuto 'o core 'e me lassà?"
No, ninno mio, mammà prega 'a Madonna
Ca nun 'a casticasse 'ncuollo a tte.
Tu staje luntano, ma i' te canto 'a nonna
Comme si t'addurmisse 'mbracci'a mme!

Pentita 'e che? – Pentita
Ca t'aggio amato assaje.
'Nfame, nisciuna maje
Fuje cchiù pentita 'e me!

Io sto dentro alle Pentite. E tu dove sei?
E con chi sei? Questo vorrei sapere…
Tu dormi la notte? Ma io non dormo mai,
E davanti a questi occhi vedo solo te…
Cosa vuoi? Cosa vuoi? Nemmeno sei contento
Ora che per colpa tua mi hanno chiuso qui?
Se mamma aspetta il giorno che mi pento,
Falle sapere che sono pentita già…

Pentita di cosa? – Pentita
Che ti ho amato assai.
Infame, nessuna mai
Fu più pentita di me!

Giornate intere dietro alla gelosia,
Desiderando il sole e la libertà;
Passa il pianino, e sale da mezzo alla strada,
Qualche canzone di tanto tempo fa…
E io canto. Che ti credi? Io piango e canto,
E poi bestemmio, e poi torno a cantare…
Ah, come è allegra in questo camposanto
Questa piccola sciantosa del cafè chantant!

Pentita di cosa? – Pentita
Che ti ho amato assai.
Infame, nessuna mai
Fu più pentita di me!

Ho sognato un angioletto biondo,
Bambino mio che mi diceva: "Oh mamma…
Oh mamma, perché mi hai messo al mondo,
Se poi hai avuto il cuore di lasciarmi?"
No, bambino mio, mamma prega la Madonna
Che non la castigasse colpendo te…
Tu sei lontano, ma io ti canto la ninna nanna
Come se ti addormentassi in braccio a me!

Pentita di cosa? – Pentita
Che ti ho amato assai.
Infame, nessuna mai
Fu più pentita di me!