Testi delle canzoni napoletane

Quanno vien'a 'appuntamento
Guarde 'o mare, guard' 'e ffronne,
Si te parlo nun rispunne,
Staje distratta comm'a cchè.
Io te tengo dint' ô core,
Songo sempe 'nnammurato
Ma tu invece pienze a 'n'ato
E te staje scurdanno 'e me.

Quanno se dice "Sì",
Tienelo a mente!
Nun s'ha da fà murì
'Nu core amante.
Tu me diciste "Sì" 'na sera 'e maggio
E mò tiene 'o curaggio 'e me lassà!

'St'uocchie tuoje nun sò sincere
Comm'a quanno me 'ncuntraste,
Comm'a quanno me diciste:
"Voglio bbene sulo a tte".
E tremmanno me giuraste,
Cu 'na mano 'ncopp' ô core:
"Nun se scorda 'o primmo ammore",
Mò te staje scurdanno 'e me.

Quanno se dice "Sì",
Tienelo a mente!
Nun s'ha da fà murì
'Nu core amante.
Tu me diciste "Sì" 'na sera 'e maggio
E mò tiene 'o curaggio 'e me lassà!

Quando vieni all'appuntamento
Guardi il mare, guardi le foglie,
Se ti parlo non rispondi,
Stai distratta come mai.
Io ti tengo nel cuore,
Sono sempre innamorato
Ma tu invece pensi ad un altro
E mi stai dimenticando.

Quando si dice "Sì"
Ricordalo!
Non si deve far morire
Un cuore amante.
Tu mi dicesti "Sì" una sera di maggio
Ed ora hai il coraggio di lasciarmi!

Questi occhi tuoi non sono sinceri
Come quando mi incontrasti,
Come quando mi dicesti:
"Voglio bene solo a te".
E tremando mi giurasti,
Con una mano sul cuore:
"Non si dimentica il primo amore",
Ora mi stai dimenticando.

Quando si dice "Sì"
Ricordalo!
Non si deve far morire
Un cuore amante.
Tu mi dicesti "Sì" una sera di maggio
Ed ora hai il coraggio di lasciarmi!