Testi delle canzoni napoletane

'Sta luggetella mia, fore 'o mercato,
Guardava 'o campanaro d' 'a Madonna.
Quanno veneva 'a sera d'allummata,
Pareva 'nu ciardino chino 'e fronne.

Tutt' 'e culure 'e ciento lampiuncielle
Pittavano 'sti ffronne a una a una,
Mentre l'argiento 'e 'nu migliaro 'e stelle
Chiuveva 'int' a 'sta loggia 'nzieme a luna.

'Na chiorma 'e figliulelle, fresche e allere,
Parevano farfalle 'e primmavera:
Cu 'e vvocche 'nzuccarate d' 'o mellone
Spannevano pe' l'aria 'na canzona.
Era 'a canzona 'e Napule,
Canzona ca nun more,
Che resta dint' ô core
E nun se fa scurdà!

D' 'a luggetella mia fore 'o mercato
Nun c'è rimasta manco cchiù 'na fronna.
'Mmiez' a 'n'ammasso 'e case sgrarrupate,
Chiagne 'stu campanaro d' 'a Madonna.

Ma quanno sarrà 'o juorno d' 'a Vittoria,
Quanno 'stu chianto se sarrà asciuttato,
Tutt' 'e ccampane sunarranno a gloria
Pe' salutà 'sta ggente ch'è turnata!

E tornano 'e ffigliole 'n'ata vota,
Comm' 'e ppalomme attuorno a 'na fiammata:
Cu 'e vvocche 'nzuccarate d' 'o mellone,
E spanneno pe' l'aria 'na canzona.
Torna 'a canzona 'e Napule
Ch'è bella e ca nun more,
Che resta dint' ô core
E nun se fa scurdà!

Chist'è 'o core 'e Napule:
Popule tristo e allero
Ca pure quanno more
Ritorna pe' campà.

Questa loggetta mia, fuori alla Piazza del Mercato,
Guardava il campanile della Madonna*.
Quando arrivava la sera dell'illuminazione**,
Sembrava un giardino pieno di fronde.

Tutti i colori di cento lampioncini
Coloravano queste fronde ad una a una,
Mentre l'argento di un migliaio di stelle,
Pioveva nella loggia insieme alla luna.

Tante figliole, fresche ed allegre,
Sembravano farfalle di primavera:
Con le bocche zuccherate di cocomero,
Spandevano per l'aria una canzone.
Era la canzone di Napoli,
Canzone che non muore,
Che resta dentro al cuore
E non si fa dimenticare!

Della loggetta mia fuori alla Piazza del Mercato
Non c'è rimasta più neanche una fronda.
In mezzo ad un ammasso di case distrutte,
Piange il campanile della Madonna.

Ma quando sarà il giorno della Vittoria,
Quando questo pianto si sarà asciugato,
Tutte le campane suoneranno a gloria
Per salutare le persone che sono tornate!

E tornano le figliole un'altra volta,
Come le farfalle attorno ad una fiamma:
Con le bocche zuccherate di cocomero,
E spandendo per l'aria una canzone.
Torna la canzone di Napoli
Che è bella e che non muore,
Che resta dentro al cuore
E non si fa dimenticare!

Questo è il cuore di Napoli:
Popolo triste ed allegro
Che anche quando muore
Ritorna per vivere.