Testi delle canzoni napoletane

Che differenza 'a casa mia e 'a vosta:
Ccà se sta 'nfesta e 'a casa mia se more!
Ccà se sta allere e a mme me chiagne 'o core,
E pe' 'stu chianto me vedite ccà!
Vuje 'a pigliate leggermente 'a cosa?
E ccà, pe' mme, Ninuccia nun fa 'a sposa!

Fratemo Luigino,
Sapite comme sta?
C' 'o prevete vicino.
Comme vulite ca…
Permetto chest'offesa, 'stu delitto?
Risponne… chi risponne?
Io song' 'o frate e tengo 'stu deritto!

'Stu manto 'e sposa c'addà fà? 'O straccio!
'Sti sciure 'arance sò busciarde e nnire!
Isso t'amata 'e lacreme e suspire…
Isso ha cercato a tte, pe' carità:
'Nu vaso, 'nu surriso, 'na carezza,
E tu nun 'o nnegà, cu troppa asprezza

Diciste: "No, vattenne!"
E ssì Ninuccia tu?
Vint'anne! Tu me 'ntienne?
'O fiore 'e giuventù!
Pazzo p' 'o bbene Luigino mio
Ha mise 'a capa a 'o lietto,
Guaglione ancora, vola 'mbracci'a Dio!

'O parrucchiano è 'o stesso parrucchiano,
Comme pò benedì 'ncopp' a ll'altare
A tte, si mò cunforta pene amare
Vicino a 'o lietto 'e fratemo!? Ninù,
Una parola, e sempe chella dice:
"Ninuccia me puteva fà felice!"

E allora? Tu, 'sta sposa,
Pe' mme, nun 'a può fà!
Vuò fà 'na bella cosa?
Vuò 'n'anema salvà?
Viestete nera, abbraccia ogni buscia,
Vasalo 'mpunto 'e morte.
Falle murì dicenno: Sì d' 'a mia!

Che differenza tra la casa mia e la vostra:
Qui si sta in festa e a casa mia si muore!
Qui si sta allegri ed a me mi piange il cuore,
E per questo pianto mi vedete qui!
Voi la prendete con leggerezza la cosa?
E qui, per me, Ninuccia non fa la sposa!

Mio fratello Luigi,
Sapete come sta?
Con il prete vicino.
Come volete che…
Permetto questa offesa, questo delitto?
Risponde… chi risponde?
Io sono il fratello ed ho questo diritto!

Questo manto da sposa che deve fare? Lo straccio!
Questi fiori d'arancio sono bugiardi e neri!
Lui ti ha amato di lacrime e sospiri…
Lui ha cercato te, per carità:
Un bacio, un sorriso, una carezza,
E tu non lo negare, con troppa cattiveria

Dicesti: "No, vattene!"
E sei Ninuccia tu?
Vent'anni! Tu mi capisci?
Il fiore della gioventù!
Pazzo per il bene, Luigi mio
Ha messo la testa a letto,
Giovane ancora, vola in braccio a Dio!

Il parroco è lo stesso parroco,
Come può benedire sull'altare
Te, se adesso conforta pene amare
Vicino al letto di mio fratello!? Ninuccia,
Una parola, e sempre quella dice:
"Ninuccia mi poteva far felice!"

E allora? Tu, la sposa,
Per me, non la puoi fare!
Vuoi fare una bella cosa?
Vuoi un'anima salvare?
Vestiti di nero, fai la bugiarda,
Bacialo in punto di morte.
Fallo morire dicendo: Sei mia!