Testi delle canzoni napoletane

È chist'ammore tujo, p' 'o core mio,
'Na matenata abbrile
O 'na matassa d'oro c'ogne filo
Cchiù me 'ncatena a tte!
Ma già se dice
Ca nun sò cchiù felice
Pecché sì stanca 'e me…
Che fa?…
Te voglio bbene assaje!
E, si me 'nganne,
Nun m' 'o fà sapè!

E comm' è bella Napule, me pare
Ciardino affatturato:
Cielo lucente e mare vellutato;
Pe' mme 'na stella: tu!
Ma già se dice
Ca ride e sì felice
Pecché te scuord' 'e me…
Che fa?…
Te voglio bbene assaje!
E, si me 'nganne,
Nun m' 'o fà sapè!

E ancora, sempe me se gela 'o core
Quanno me staje luntana
E 'sta manella nun m'astregne 'a mana,
E nun te veco cchiù!
Pecché? Chi 'o dice
Ca 'nfama e 'ngannatrice
Nisciuna è comm' a tte?
Che fa?…
Te voglio bbene assaje!
E, si me 'nganne,
Nun m' 'o fà sapè!

È questo amore tuo, per il mio cuore,
Una mattina d'aprile
O una matassa d'oro che ogni filo
Più mi incatena a te!
Ma già si dice
Che non sono più felice
Perché sei stanca di me…
Che fa?…
Ti voglio bene assai!
E, se mi tradisci,
Non farmelo sapere!

E come è bella Napoli, mi sembra
Giardino fatato:
Cielo spendente e mare vellutato;
Per me una stella: tu!
Ma già si dice
Che ridi e sei felice
Perché ti dimentichi di me…
Che fa?…
Ti voglio bene assai!
E, se mi tradisci,
Non farmelo sapere!

E ancora, sempre mi si gela il cuore
Quando mi stai lontana
E questa manina non mi stringe la mano,
E non ti vedo più!
Perché? Chi lo dice
Che infame e traditrice
Nessuna è come te?
Che fa?…
Ti voglio bene assai!
E, se mi tradisci,
Non farmelo sapere!