Testi delle canzoni napoletane

'E rimpetto â fenesta mia
Sta 'o balcone d' 'a simpatia:
'Na frischezza 'e guagliona bella,
Brunettella.
'A cchiù bruna è 'na guappetella
Cu 'nu nievo 'ncopp' â faccella,
Fa 'e servizie e nun guarda 'e stelle
Comme fanno chell'ati tre.

E aspetto ca s'affaccia
'A guappetella cu 'nu nievo 'nfaccia,
Cu ll'uocchie 'e passione
E llabbre rosse comm'a 'nu mellone.
Che farria p' 'a fà guardà!
Che darria pe' m' 'a vasà!
Ll'autriere me 'ncuntraje
Cu ll'uocchie dint'a ll'uocchie e me 'ncantaje.
'Ncantato rimanette
Quann' 'o balcone 'nfaccia me chiudette.

Chesti brune sò quatte sore
E 'a cchiù grossa nun tene core,
Ll'ati tre sò tre cianciuselle
Tunnulelle.
Ma 'a superbia d' 'a guappetella
M'ha culpito dint'a 'na scella
E io mme sento comm'a 'n'auciello
Ca 'sta pena vò fà sapè.

E aspetto ca s'affaccia
'A guappetella cu 'nu nievo 'nfaccia,
Cu ll'uocchie 'e passione
E llabbre rosse comm'a 'nu mellone.
Che farria p' 'a fà guardà!
Che darria pe' m' 'a vasà!
Ajere s'affacciaje,
Spanneva 'e panne quanno me menaje
'Nu fulmine 'a luntano
Pecché 'nu panno le cadette 'a mano.

Che farria pe' lle parlà!
Che darria pe' ll'abbraccià!
Mò mm'appresento ô pate
Lle dico: Si essa vò, sò 'nnammurato,
Tengo ll'impiego â posta
M' 'a sposo 'int'a 'nu mese 'a figlia vosta.
E cu mme s'addà affiaccià!
E cu mme s'addà spusà!

Dirimpetto alla finestra mia
Sta il balcone della simpatia:
Una freschezza di ragazza bella,
Brunettina.
La più bruna è una guappetella*
Con un neo sul visino,
Fa i servizi e non guarda le stelle
Come fanno quelle altre tre.

E aspetto che si affaccia
La guappetella con un neo sul viso,
Con gli occhi di passione
E le labbra rosse come un cocomero.
Cosa farei per farla guardare!
Cosa darei per baciarmela!
L'altro ieri mi incontrò
Con gli occhi negli occhi e mi incantò.
Rimasi incantato
Quando mi chiuse il balcone in faccia.

Queste brune sono quattro sorelle
E la più grande non ha cuore,
Le altre tre sono tre vezzosette
Rotondette.
Ma la superbia della guappetella
Mi ha colpito al cuore
Ed io mi sento come un uccello
Che questa pena vuole far sapere.

E aspetto che si affaccia
La guappetella con un neo sul viso,
Con gli occhi di passione
E le labbra rosse come un cocomero.
Cosa farei per farla guardare!
Cosa darei per baciarmela!
Ieri si affacciò,
Stendeva i panni quando mi lanciò
Un fulmine da lontano
Perché un panno le cadde dalla mano.

Cosa farei per parlare con lei!
Cosa darei per abbracciarla!
Ora mi presento al padre,
Gli dico: Se lei vuole, sono innammorato,
Ho l'impiego alla posta,
Me la sposo in un mese la figlia vostra.
E con me deve affacciarsi!
E con me deve sposarsi!