Testi delle canzoni napoletane

Chistu mare 'e Margellina,
Chi sà 'nfunno che nce tene,
Ca, si 'o guarde, nun te vene,
Ca, si 'o guarde, nun te vene
'O penziero d' 'o lassà.
'Nu prufumo d'erba 'e mare
Saglie 'a dint'a chilli scoglie
E te sceta mille voglie
E, scetato, fa sunnà.

Margellina, Margellina,
Calamita 'e marenare!
Si parlasse chistu mare
Quanta ccose avria 'a cuntà:
Scappatelle 'e 'nnammurate,
Gelusie, tradimente,
Vase e llacreme cucente,
Quanta suonne 'e giuventù.

Quanno 'a luna 'mmiez' ô mare
Se fa 'o ppoco 'e sentimento,
E d'ammore parla 'o viento,
E d'ammore parla 'o viento,
'E ccanzone fa sentì.
E c' 'o ffuoco a poppa 'e vuzzo
Vanno a ppurpe 'e marenare:
Nc'è 'na festa pe' 'stu mare
Ca 'nu quatro se pò fà.

Margellina, Margellina,
Calamita 'e marenare!
Si parlasse chistu mare
Quanta ccose avria 'a cuntà:
Scappatelle 'e 'nnammurate,
Gelusie, tradimente,
Vase e llacreme cucente,
Quanta suonne 'e giuventù.

Questo mare di Mergellina,
Chissà in fondo cosa tiene,
Se lo guardi non ti viene,
Se lo guardi non ti viene
Il pensiero di lasciarlo.
Un profumo d'erba di mare
Sale da dentro quegli scogli
E ti sveglia mille voglie
E, svegliato, fa sognare.

Mergellina, Mergellina,
Calamita dei marinai!
Se parlasse questo mare
Quante cose avrebbe da raccontare:
Scappatelle di innamorati,
Gelosie, tradimenti,
Baci e lacrime cocenti,
Quanti sogni di gioventù.

Quando la luna in mezzo al mare
Si fa un po' di sentimento,
E d'amore parla il vento,
E d'amore parla il vento,
Le canzoni fa sentire.
E col fuoco a poppa di gozzo
Vanno a polipi i marinai:
C'è una festa in questo mare
Che un quadro si potrebbe fare.

Mergellina, Mergellina,
Calamita dei marinai!
Se parlasse questo mare
Quante cose avrebbe da raccontare:
Scappatelle di innamorati,
Gelosie, tradimenti,
Baci e lacrime cocenti,
Quanti sogni di gioventù.