"Chi me vò bbene, appriesso me vene"
'Stu ditto antico nun pò fallì:
'Na calamita 'st'ammore tene
Ca nce mantene 'strint' accussì!…
"Chi me vò bbene, appriesso me vene…"
Me pareno 'sti core
'Na busta e 'nu fuglietto:
Appena ca nn' 'o levo, i' subbeto nce 'o metto
Dint' â busta
'Nu fuglietto,
Pecché 'nzieme vonno stà!…

Sulo 'a 'nu mese ce canuscimmo
E già 'stu bbene se pò chiammà
Fuoco d'ammore, ca nce sentimmo,
Juorno pe' gghiuorno, 'mpiett' appiccià!…
Sulo 'a nu mese ce canuscimmo…
Me pareno 'sti core
'Na busta e 'nu fuglietto:
Appena ca nn' 'o levo, i' subbeto nce 'o metto
Dint' â busta
'Nu fuglietto,
Pecché 'nzieme vonno stà!…

E nce 'ntennimmo, si ce guardammo,
Senza 'nu segno, senza parlà…
Quanno, astrignute, po' nce vasammo,
Nisciuna forza nce pò scustà!…
E nce 'ntennimmo, si ce guardammo…
Me pareno 'sti core
'Na busta e 'nu fuglietto:
Appena ca nn' 'o levo, i' subbeto nce 'o metto
Dint' â busta
'Nu fuglietto,
Pecché 'nzieme vonno stà!…

Me pareno 'sti core
'Na busta e 'nu fuglietto:
Appena ca nn' 'o levo, i' subbeto nce 'o metto
Dint' â busta
'Nu fuglietto,
Pecché 'nzieme vonno stà!…