Oi Rossa 'e copp' ô Vommero 'int' ê sciure,
Quanno pass' io, pretenno ca me guarde,
Nun mettere 'int' ô nummero a me pure,
Che onestamente aggiu guardato a tte.
Tu 'mmiez' ê ffrasche d' 'e castagne verde,
Cu 'sti capille e 'a carnaggiona 'e latte,
'A tempera cchiù fforte ce se perde…
E i' me sò perduto a te vedè!
Oi Rossa 'e copp' ô Vommero 'int' ê sciure,
Quanno pass' io, pretenno ca me guarde!
I' onestamente voglio bbene a tte!
I' voglio bbene a tte!

Oi Rossa 'e copp' ô Vommero 'int' ê ffronne,
Chi è bella 'e faccia, tene 'o core bello:
Si ave 'na 'mmasciata, nce risponne…
Cu tutt' 'o core le risponne 'e sì.
Vi' comme me sò fatto, te n'adduone?
'A dint' ê panne me ne sto scennenno,
'O core mio è comm' 'o tujo: buono…
Ma sfurtunato ca nun se pò ddì!
Oi Rossa 'e copp' ô Vommero 'int' ê ffronne,
Quanno pass' io, pretenno ca me guarde!
I' onestamente voglio bbene a tte!
I' voglio bbene a tte!