Vi' quant' è bbello 'o mare,
Vi' che sserata fina!
Stasera a Margellina
I' nun me fido 'e stà!
'Stu ventariello frisco
Va suspiranno "ammore"
Ammore traditore
Ca nun me vò lassà!

Voca, vò,
Marenà!
Voca pe' Santa Lucia,
Voca, vò,
Marenà!
Llà nce tengo 'a nenna mia.

Cchiù bbella 'e 'na Sirena
È 'a 'nnammurata mia,
'Nterra Santa Lucia
A ttutte fa 'ncantà!
Marenariello mio,
Vola cu 'sta varchetta
Ca nenna mia m'aspetta,
Nun 'a fà disperà!

Voca, vò,
Marenà!
Voca pe' Santa Lucia,
Voca, vò,
Marenà!
Llà nce tengo 'a nenna mia.