'Ncopp' 'o vico Sargente Maggiore
Nce sta 'e casa Marama Chichierchia,
È 'nu tipo c'ha fatto furore,
'E ggiurnale ll'ha fatto parlà!
'O marito, 'on Felippo Cupierchio,
'O niozio teneva a Tuleto,
Ma nun gghieva né 'nnanze e né arreto,
'A Chichierchia 'o facette fallì!
Marama Chichierchia 'a ccà,
Marama Chichierchia 'a llà,
Diente 'mmocca 'un tene cchiù
E vò ancora… zuchetezù!
Marama Chichierchia 'a ccà,
Marama Chichierchia 'a llà,
Pile 'ncapa 'un tene cchiù
E vò afforza… zuchetezù!

'Sta Marama n'ha fatte tulette,
Feste, balle, triate, carrozze…
Chelli ggamme hanno fatto zumpette,
Se n'ha scise cannuole e babà!
'E mò?… Tene 'nu cuofano d'anne,
E vorrebbe fà ancora 'a ragazza:
Se 'nfarina, s'alliscia e 'mpupazza
E va a caccia d' 'e belli garsò!
Marama Chichierchia 'a ccà,
Marama Chichierchia 'a llà,
Diente 'mmocca 'un tene cchiù
E vò ancora… zuchetezù!
Marama Chichierchia 'a ccà,
Marama Chichierchia 'a llà,
Pile 'ncapa 'un tene cchiù
E vò afforza… zuchetezù!

'N'anno fa, steva proprio a palicco
Chella 'mpesa 'e Marama arruzzuta;
Ma murette 'nu zio straricco,
'A Chichierchia turnaje a ssaglì!
'O marito è ciuncato co 'e ggamme
E Marama ha truvato 'e cascante,
Ess' 'o ppiglia a denare cuntante…
Ma 'e cuntante nc' 'e ffanno caccià!
Marama Chichierchia 'a ccà,
Marama Chichierchia 'a llà,
Diente 'mmocca 'un tene cchiù
E vò ancora… zuchetezù!
Marama Chichierchia 'a ccà,
Marama Chichierchia 'a llà,
Pile 'ncapa 'un tene cchiù
E vò afforza… zuchetezù!