'Sta voce 'e chesti ffravule,
'Stu sisco 'e Primmavera
Me fanno 'e core chiagnere
Dint' a 'sta cella nera!
Nun aggio cu chi dicere
Nemmeno tre pparole!
Manco 'nu raggio 'e sole
Me vene a cunzulà!
Marì, Marì,
Marì, Marì,
Mò ca sto carcerato pe' tte,
Sì cuntenta 'e vederme 'e suffrì?
Marì, Marì,
Marì, Marì,
Mò ca sto carcerato pe' tte,
Sì cuntenta 'e vederme 'e suffrì?

Tu ire chella femmena
Ca me stimava 'e core?
E tu screvive 'e llettere
Cu 'n'ato… pe' fà ammore?…
E m' 'o faciste accidere
P' 'a troppa ggelusia,
Pirciò 'sta vita mia
Se chiagne 'a libbertà!
Marì, Marì,
Marì, Marì,
Mò ca sto carcerato pe' tte,
Sì cuntenta 'e vederme 'e suffrì?
Marì, Marì,
Marì, Marì,
Mò ca sto carcerato pe' tte,
Sì cuntenta 'e vederme 'e suffrì?

Manco 'na nova 'e mammema
Cchiù nun m'arriva 'a porta!
'O core 'mpietto palpita,
Pare ca dice: È morta!
Suffrenno 'sti martirie
Me songo rassegnato,
Ca more carcerato
Senza 'na piatà.
Marì, Marì,
Marì, Marì,
Mò ca sto carcerato pe' tte,
Sì cuntenta 'e vederme 'e suffrì?
Marì, Marì,
Marì, Marì,
Mò ca sto carcerato pe' tte,
Sì cuntenta 'e vederme 'e suffrì?