Quanta vvote 'int' ô ciardino,
Sott' 'e rrose profumate,
Quanta vase c'immo date,
Tutto fuoco comm' a cchè!
Tu guardave 'a luna 'ncielo,
I' guardavo ll'uocchie tuje,
E abbracciate tutt' 'e dduje,
Ce pareva de sunnà!
Ma 'na fronna ca scenneva,
E 'na voce e 'na canzona,
Nce luvava 'a pusizione,
Ce faceva suspirà!
Ma nun ce penzà,
Torneno 'sti mumente…
Può stà cuntenta,
Torneno, tò…

Quanta vvote 'int' a 'na varca,
'Mmiez' ô mare che sbatteva,
Tu vulive ch'io veneva
Pe' te stà cchiù assaje cu mme!
Me facive guardà attuorno,
Me strignive 'ncopp' ô core,
Mentre 'e stelle e quacche sciore
Ce redevano, Nannì!
Da Pusilleco 'n'auciello,
Ca guardava e se priava,
Dint' ô canto che cantava
Ce diceva: Jat' a spusà!
Ma nun ce penzà,
Torneno 'sti mumente…
Chi overo sente
Nun pò scurdà!

Sott' 'e ffrasche senza addore,
Sott' a poche ragge 'e luna,
Quanno tuorne, a una a una,
Tutt' 'e ppene t'aggi' 'a dì!
C' a sufferte chistu core
Pecché tu stive luntano,
Pecché 'e mane dint' ê mmane
Nun putevamo sentì!
Comm' allora 'int' ô ciardino,
Sott' 'e rrose profumate,
Tra 'nu vaso e 'na guardata,
Riturnammo a suspirà!
No, nun ce penzà,
Torneno 'sti mumente…
Può stà cuntenta,
Torneno, tò…