Testi delle canzoni napoletane

Te vene a mmente, quanno for' 'a loggia,
Sott' ô grillaggio 'e rrose rampicante,
Signaje 'o nomme tujo vicino 'e ppiante
E tu nun m' 'o vulive fà signà?
I' mm'arricordo…
E tu?

Uh, che silenzio e che serata bella!
Nun se senteva ll'aria 'e rifiatà,
Nun se muveva manco 'na frunnella;
Ma nuje nun ce putevamo frenà!

Te vene a mmente, quann' accanto 'o mare,
Tu stive 'ncopp' ô scoglio arrepusata,
E i' scrivette 'ncopp' arena: – ingrata –
E tu chiagnenno te ne iste 'a llà?
I' mm'arricordo…
E tu?

E doppo dint' â varca, che bellezza!
Nun se senteva 'o mare d'affunà,
Tutt' era calma e tutto 'na stanchezza;
Ma nuje nun ce putevamo frenà!

Ti ricordi, quando fuori alla loggia,
Sotto alla pergola di rose rampicanti,
Scrissi il nome tuo vicino alle piante
E tu non volevi che lo scrivessi?
Io mi ricordo…
E tu?

Uh, che silenzio e che serata bella!
Non si sentiva neanche un filo d'aria,
Non si muoveva neanche una piccola fronda;
Ma noi non potevamo frenare la passione!

Ti ricordi, quando vicino al mare,
Tu stavi sullo scoglio riposata,
Ed io scrissi sulla sabbia: – ingrata –
E tu piangendo andasti via da lì?
Io mi ricordo…
E tu?

E dopo nella barca, che bellezza!
Non si sentiva il mare muoversi,
Tutto era calmo e tutto una stanchezza;
Ma noi non potevamo frenare la passione!