Testi delle canzoni napoletane

Oje mare ca vase 'a banchina,
Addò, attaccata, ce sta
'Na varca c' 'a vela latina,
Tu sempe mm'hê 'ntiso 'e cantà.
E invece mò, tutt'è cagnato:
È ll'urdema notte pe' mme.

Varca napulitana,
Sola tu sì fedele e over'è!
Chella 'nfama è felice luntana,
Tu stanotte te pierde cu mme.

Oje varca mia bella, 'na vota
Tu connola fuste e mò no.
'Stu munno se cagna, è 'na rota:
Pe' mme lietto 'e morte sì tu!
Ma no, nun teng'odio e perdono
A chi mme cundanna a murì.

Varca napulitana,
Sola tu sì fedele e over'è!
Chella 'nfama è felice luntana,
Tu stanotte te pierde cu mme.

Attuorno è silenzio e mistero,
E Napule veco 'e durmì.
Nun pare a me stesso, ma è overo
Ca ll'alba nun arrivo a vedè.
'Na varca sperduta e sbattuta,
Dimane, p' 'o mare, starrà.

Varca napulitana,
Sola tu sì fedele e over'è!
Chella 'nfama è felice luntana,
Tu stanotte te pierde cu mme.

Tu stanotte te pierde cu mme.

Oh mare che baci la banchina,
Dove, attaccata, c'è
Una barca con la vela latina,
Tu sempre mi hai sentito cantare.
E invece ora, tutto è cambiato:
È l'ultima notte per me.

Barca napoletana,
Solo tu sei fedele ed è vero!
Quella, spietata, è felice e lontana,
Tu stanotte ti perdi con me.

Oh barca mia bella, una volta
Tu eri una culla ed ora no.
Questo mondo cambia, è una ruota:
Per me letto di morte sei tu!
Ma no, non ho odio e perdono
Chi mi condanna a morte.

Barca napoletana,
Solo tu sei fedele ed è vero!
Quella, spietata, è felice e lontana,
Tu stanotte ti perdi con me.

Intorno è silenzio e mistero,
E Napoli vedo dormire.
Non credo, ma è vero
Che io l'alba non riesca a vederla.
Una barca persa e sbattuta,
Domani, in mare, ci sarà.

Barca napoletana,
Solo tu sei fedele ed è vero!
Quella, spietata, è felice e lontana,
Tu stanotte ti perdi con me.

Tu stanotte ti perdi con me.