Testi delle canzoni napoletane

Felicissima sera
A tutte 'sti signure 'ncruvattate
E a chesta cummitiva accussì allera
D'uommene scicche e ffemmene pittate!

Chesta è 'na festa 'e ballo!
Tutte cu 'e fracchesciasse 'sti signure
E i', ca sò sciso 'a copp' ô sciarabballo,
Senza cercà 'o permesso, abballo i' pure.

Chi sò?
Che ve ne 'mporta!
Aggio araputa 'a porta
E sò trasuto ccà.

Musica, musicante!
Fatevi mordo onore!
Stasera 'mmiez'a 'st'uommene aligante
Abballa un contadino zappatore.

No, signore avvocato,
Sentite a mme, nun ve mettite scuorno?
Io, pe' ve fà signore, aggio zappato
E stò zappanno ancora, notte e ghiuorno.

E sò dduje anne, dduje,
Ca nun scrive 'nu rigo â casa mia.
Si 'ossignuria se mette scuorno 'e nuje,
Pur'io mme metto scuorno 'e 'ossignuria!

Chi sò?
Dillo a 'sta ggente
Ca i' songo 'nu parente
Ca nun 'o può caccià!

Musica, musicante!
Ca è bella ll'alleria!
I' mò ve cerco scusa a tuttuquante
Si abballo e chiagno dint' â casa mia.

Mamma toja se ne more.
'O ssaje ca mamma toja more e te chiamma?
Meglio si te 'mparave zappatore,
Ca 'o zappatore nun s' 'a scorda 'a mamma!

Te chiamma ancora "Gioja"
E, arravugliata dint' ô scialle niro,
Dice: "Mò torna, core 'e mamma soja,
Se vene a piglià ll'urdemo suspiro".

Chi sò?
Vuje me guardate?
Sò 'o pate, i' songo 'o pate
E nun me pò caccià!

Sò 'nu fatecatore
E magno pane e pane!
Si zappo 'a terra, chesto te fa onore!
Addenocchiate e vasame 'sti mmane!

Felicissima sera
A tutti questi signori incravattati
E a questa comitiva così allegra
Di uomini sciccosi e donne truccate!

Questa è una festa da ballo!
Tutti con le marsine questi signori
Ed io che sono sceso dal carro,
Senza chiedere permesso, ballo anch'io.

Chi sono?
Che vi importa!
Ho aperto la porta
E sono entrato qui.

Musica, musicanti!
Fatevi molto onore!
Stasera tra questi uomini eleganti
Balla un contadino zappatore.

No, signor avvocato,
Ascoltatemi, non vi vergognate?
Io, per farvi diventare signore, ho zappato
E sto zappando ancora, notte e giorno.

E sono due anni, due
Che non scrivi un rigo alla casa mia.
Se vossignoria si vergogna di noi,
Anch'io mi vergogno di vossignoria!

Chi sono?
Dillo a questa gente
Che sono un parente
Che non puoi cacciare!

Musica, musicanti!
Che bella è l'allegria!
Io ora chiedo scusa a tutti
Se ballo e piango in casa mia.

Mamma tua muore.
Lo sai che mamma tua muore e ti chiama?
Sarebbe meglio se tu diventassi uno zappatore,
Lo zappatore non dimentica la mamma!

Ti chiama ancora "Gioia"
E, avvolta nello scialle nero,
Dice: "Ora torna, cuore di mamma sua,
Viene a prendersi l'ultimo respiro".

Chi sono?
Voi mi guardate?
Sono il padre, io sono il padre
E non mi può cacciare!

Sono un lavoratore
E mangio pane e pane!
Se zappo la terra, questo ti fa onore!
Inginocchiati e baciami queste mani!